మద్యం అనుకుని పురుగుమందు తాగి కుమారుడు మృతి, తండ్రి విషమం

తూర్పు గోదావరి జిల్లా దేవరపల్లి మండలం సంగయగూడెంలో మద్యం అనుకుని పురుగుమందు తాగిన వంశీకృష్ణ మృతి చెందాడు. ఆయన తండ్రి వంగల వెంకటేశ్వరరావు పరిస్థితి విషమంగా ఉంది.

వంగల వెంకటేశ్వరరావు గురువారం పొలంలో పురుగుమందు చల్లారు. మిగిలిన పురుగుమందును ఖాళీ మద్యం సీసాలో పోసి ఇంటికి తీసుకొచ్చారు. దారిలో మద్యం సీసా కూడా కొన్నారు. రెండు సీసాలను ఇంట్లో ఒకే చోట ఉంచారు.

ఆ రాత్రి తండ్రీ కొడుకులు కలిసి మద్యం తాగుతుండగా, మత్తులో పొరపాటున పురుగుమందు ఉన్న సీసా తాగారు. వాంతులు కావడంతో వెంకటేశ్వరరావు భార్య ఇద్దరినీ గోపాలపురం సామాజిక ఆరోగ్య కేంద్రానికి తీసుకెళ్లారు. మెరుగైన చికిత్స కోసం వారిని రాజమహేంద్రవరం తర్వాత కాకినాడ ఆసుపత్రికి తరలించారు.

కాకినాడ ఆసుపత్రిలో చికిత్స పొందుతూ వంశీకృష్ణ శుక్రవారం మృతి చెందాడు. వంగల వెంకటేశ్వరరావు చికిత్స కొనసాగుతోంది.