నైరుతి రుతుపవనాలు రేపు కేరళను తాకే అవకాశం; ఏపీలో వారం పాటు వర్షాలు

IMD ప్రకారం, రేపు (జూన్ 4) నాటికి నైరుతి రుతుపవనాలు కేరళను తాకే అవకాశం ఉంది.

ప్రస్తుతం తూర్పు మధ్యప్రదేశ్ నుంచి ఛత్తీస్గడ్, తెలంగాణ, రాయలసీమ మీదుగా తమిళనాడు వరకు ఉపరితల ద్రోణి విస్తరించి ఉంది. ఇది 0.9 కిలోమీటర్ల ఎత్తులో కొనసాగుతోంది.

విశాఖ తుఫాన్ హెచ్చరికల కేంద్రం అధికారి జగన్నాథ్ కుమార్ తెలిపిన వివరాల ప్రకారం, నేడు గంటకు 50 నుంచి 70 కిలోమీటర్ల వేగంతో ఈదురుగాలులు వీచే అవకాశం ఉంది. రుతుపవనాలు స్థిరంగా ముందుకు కదులుతున్నాయి.

రాబోయే వారం రోజులు ఆంధ్రప్రదేశ్ లోని ఉత్తర, దక్షిణ కోస్తా జిల్లాల్లో చెదురుమదురు వర్షాలు కురిసే అవకాశం ఉంది. మొదటి ఐదు రోజుల్లో ఉరుములు, మెరుపులతో కూడిన తేలికపాటి నుంచి మోస్తరు వర్షాలు పడొచ్చు.