లష్కర్ బోనాల జాతరలో స్పెయిన్ యువకుడి సందడి

లష్కర్ బోనాల జాతరలో ఒక స్పెయిన్ దేశ యువకుడు అలెక్స్ పాల్గొన్నాడు. హైదరాబాద్‌లో మొదటిసారి అడుగుపెట్టిన అతడు బోనాల ఉత్సవ వాతావరణాన్ని చూసి ముగ్ధుడయ్యాడు.

తను బెంగళూరులో పని చేస్తున్నప్పుడు ఇంటర్నెట్‌లో బోనాల గురించి చదివి నేరుగా హైదరాబాద్ చేరుకున్నట్టు చెప్పాడు. "భారతీయులు చాలా ప్రేమగా ఉన్నారు. మంచి హృదయంతో, గొప్ప శక్తితో ఉన్నారు" అని అలెక్స్ అన్నాడు.

ఈ బోనాల సంబరం ప్రపంచంలోనే ప్రత్యేకమైనదని, స్పెయిన్‌లో ఇలాంటి సంస్కృతి లేదని అతడు వివరించాడు. తన స్నేహితులను, కుటుంబాన్ని వచ్చే ఏడాది హైదరాబాద్ రమ్మని చెప్తానని అలెక్స్ అందర్నీ ఆహ్వానించాడు.

చివర్లో కాస్త తెలుగు మాట్లాడే ప్రయత్నం చేసి 'హ్యాపీ బోనాల్' అంటూ సంతోషంగా ముగించాడు.