దేశవ్యాప్తంగా స్కూళ్లలో జంక్ ఫుడ్ నిషేధించిన శ్రీలంక ప్రభుత్వం

శ్రీలంక ప్రభుత్వం దేశవ్యాప్తంగా అన్ని పాఠశాలల్లో జంక్ ఫుడ్ విక్రయాలపై నిషేధం విధించింది. చక్కెర, ఉప్పు, కొవ్వు శాతం ఎక్కువగా ఉండే ఆహార పదార్థాల విక్రయాన్ని పూర్తిగా నిలిపివేయాలని ప్రభుత్వం ఆదేశించింది.

నిషేధిత జాబితాలో బర్గర్లు, పిజ్జాలు, హాట్ డాగ్స్, డోనట్స్, చిప్స్, కూల్ డ్రింక్స్, కొన్ని సాస్లు ఉన్నాయి. ఇకపై స్కూల్ క్యాంటీన్లలో పిల్లలకు పండ్లు, కూరగాయలు, పాలు, గుడ్లు, చేపలు, అన్నం వంటి పోషకాహారాన్ని మాత్రమే అందించాలని ప్రభుత్వం ఆదేశించింది.

జంక్ ఫుడ్ వల్ల పిల్లల్లో ఊబకాయం, డయాబెటిస్, గుండె జబ్బులు వంటి సమస్యలు పెరుగుతున్న నేపథ్యంలో ఈ నిర్ణయం తీసుకున్నట్లు వైద్య నిపుణులు హెచ్చరిస్తున్నారు. శ్రీలంకతో పాటు భారతదేశంలో కూడా బాల్య ఊబకాయం పెరుగుతున్న నేపథ్యంలో ఈ నిర్ణయం చర్చనీయాంశంగా మారింది.