KTR ఆరోపణలను ఖండించిన మంత్రి శ్రీధర్‌బాబు; భూ కేటాయింపు ప్రక్రియపై వివరణ

KTR రూ.200 కోట్ల భూకుంభకోణం జరిగిందని ఆరోపించారు. దీనిపై పరిశ్రమల శాఖ మంత్రి శ్రీధర్‌బాబు స్పందించారు.

పరిశ్రమల ప్రోత్సాహం కోసం బోర్డు నిర్ణయం మేరకే భూములు కేటాయిస్తున్నామని మంత్రి వివరించారు. ఇన్ఫ్లేషన్ దృష్ట్యా భూమి ధరను ఎకరాకు రూ.1.5 కోట్లుగా నిర్ణయించామని, గతంలో ఈ ధర రూ.90 లక్షలు ఉండేదని తెలిపారు.

ఐదు ఎకరాల విషయంలో దీనిని రెండు కోట్ల రూపాయల భూమిని ఉచితంగా ఇచ్చినట్టు ప్రచారం చేయడం సరికాదని మంత్రి స్పష్టం చేశారు. కమిటీ సిఫార్సు మేరకే ప్రతి పరిశ్రమకు భూమి కేటాయింపు జరుగుతుందని, ఇందులో ముఖ్యమంత్రి లేదా మంత్రి జోక్యం ఉండదని చెప్పారు.

ప్రస్తుతం రాష్ట్రంలో 34 కోట్ల రూపాయల పెట్టుబడితో కొత్త పరిశ్రమలు వస్తున్నాయని, యువతకు ఉద్యోగాలు కల్పించేందుకు కృషి చేస్తున్నామని మంత్రి వివరించారు. KTR చేసిన ఆరోపణలను పూర్తిగా తోసిపుచ్చారు.