సెయింట్ లూయిస్ వేంకటేశ్వర స్వామి ఆలయంలో జూలై 14 నుంచి మహా చండీ యాగం

సెయింట్ లూయిస్ నగరంలోని వేంకటేశ్వర స్వామి దేవాలయంలో 2026 జూలై 14 నుంచి 19 వ తేదీ వరకు పలు ధార్మిక కార్యక్రమాలు జరగనున్నాయి. ఆలయ అధ్యక్షులు రజనీకాంత్ నేతృత్వంలో ఈ కార్యక్రమాలు నిర్వహిస్తున్నారు.

ఈ సందర్భంగా నవకుండాత్మక మహా చండీ యాగం, రుద్రాభిషేకాలు, వేంకటేశ్వర స్వామి కల్యాణం, కుమారస్వామి సుబ్రహ్మణ్య స్వామి కల్యాణం, నవవిధ కుండాత్మక మహాయాగం, అమ్మవారికి కుంకుమార్చన వంటి విశేష కార్యక్రమాలు నిర్వహిస్తున్నట్లు నిర్వాహకులు తెలిపారు.

ఈ యాగాల్లో వేలాది మంది భక్తులు పాల్గొంటున్నారు. అవధాన సరస్వతీ పీఠం నుండి మదుగుల నాగఫణి శర్మ ఆశీర్వచనాలు అందించారు.

ఈ కార్యక్రమాలను ప్రత్యక్షంగా చూడడానికి భక్తులను ఆహ్వానిస్తున్నారు. లైవ్ టెలికాస్ట్ ద్వారా కూడా చూడవచ్చునని నిర్వాహకులు పేర్కొన్నారు.