మూత్రం లీకేజ్ సమస్య ఎవరికి వస్తుంది? కారణాలివే – డాక్టర్ పృథ్వి పేరం

మెడికవర్ హాస్పిటల్స్‌కు చెందిన గైనకాలజిస్ట్ డాక్టర్ పృథ్వి పేరం మహిళల్లో మూత్రం లీకేజ్ (Stress Urinary Incontinence) సమస్యపై వివరాలు ఇచ్చారు.

తుమ్మినప్పుడు, దగ్గినప్పుడు మూత్రం లీక్ కావడాన్ని స్ట్రెస్ యూరినరీ ఇన్కాంటినెన్స్ అంటారు. యోని దగ్గరి పెల్విక్ ఫ్లోర్ కండరాలు బలహీనపడటం ఇందుకు ప్రధాన కారణం.

మెనోపాజ్‌లో ఉన్న మహిళలు, ప్రసవం చేసిన తర్వాత postnatal వ్యాయామాలు చేయనివారు, ఊబకాయం, అనియంత్రిత డయాబెటిస్ ఉన్నవారిలో ఈ సమస్య ఎక్కువగా కనిపిస్తుంది. అలాగే ఎక్కువ సేపు కూర్చునే పని చేసేవారు, ధూమపానం చేసేవారు, టీ, కాఫీ ఎక్కువగా తాగేవారిలోనూ ఇది జరుగుతుంది.

మూత్రాన్ని ఆపుకోలేక వాష్ రూమ్‌కు వెళ్లి కూర్చునే లోపలే లీకేజ్ అవ్వడాన్ని ఆర్జ్ ఇన్కాంటినెన్స్ అంటారు. రెండు రకాల ఇన్కాంటినెన్స్ కలిసి ఉంటే దాన్ని మిక్స్డ్ ఇన్కాంటినెన్స్ గా వ్యవహరిస్తారు. డయాబెటిస్‌కు సంబంధించి తరచుగా వచ్చే యూరిన్ ఇన్ఫెక్షన్లు కూడా లీకేజ్‌కు దారితీస్తాయని డాక్టర్ పేరం వివరించారు.