సిద్దిపేట జిల్లాలో బాలికల పాఠశాలలో 13 మంది విద్యార్థులు అస్వస్థత

సిద్దిపేట జిల్లా మద్దూరులోని కస్తూర్బా గాంధీ బాలికల విద్యాలయంలో 13 మంది విద్యార్థులు అస్వస్థతకు గురయ్యారు. వాంతులు, విరేచనాలు కావడంతో వారిని చేర్యాల ప్రభుత్వ ఆసుపత్రికి తరలించారు.

విద్యార్థులకు కడుపు నొప్పి, వాంతులు ఉన్నాయని ఆసుపత్రి వైద్యులు తెలిపారు. కొందరికి నాలుగు నుంచి ఐదుసార్లు వాంతులు అయ్యాయి. ప్రస్తుతం 12 మంది విద్యార్థులు సాధారణ స్థితిలో ఉన్నారు. ఒక విద్యార్థినికి రెండుసార్లు విరేచనాలు అయ్యాయి. ఆమెకు antibiotics, probiotics ఇచ్చారు.

విద్యార్థులు అస్వస్థతకు గురికావడానికి త్రాగునీరు, ఆహారం కారణమా అనే కోణంలో విద్యాశాఖ అధికారులు విచారిస్తున్నారు. వర్షాకాలంలో నీటి కాలుష్యం వల్ల ఇలాంటి కేసులు వచ్చే అవకాశం ఉందని వైద్యులు తెలిపారు.

పిల్లలందరి పరిస్థితి స్థిరంగా ఉందని వైద్యులు చెప్పారు. అవసరమైతే సిద్దిపేటకు తరలించేందుకు అంబులెన్స్ సిద్ధంగా ఉంది.