సుధీర్ బాబు దర్శకత్వ రంగంలోకి ప్రవేశించనున్నట్టు సమాచారం

నటుడు సుధీర్ బాబు తనే దర్శకుడిగా మారే ప్రయత్నాలు చేస్తున్నట్టు టాలీవుడ్ వర్గాల సమాచారం. కథ రాసుకుని, హీరోగా నటించి, దర్శకత్వ బాధ్యత చేపట్టాలని ఆయన నిర్ణయించుకున్నారు.

2012 లో శివ మనసులో శృతి సినిమాతో హీరోగా కెరీర్ ప్రారంభించిన సుధీర్ బాబు ఇప్పటివరకు 20 కి పైగా సినిమాలు చేశారు. అయితే, ప్రేమ కథా చిత్రం సమ్మోహనం మినహా పెద్దగా హిట్స్ సాధించలేదు. గత సంవత్సరం పాన్-ఇండియా ప్రయత్నం జటాధార బాక్సాఫీస్ వద్ద నిరాశపరిచింది.

తాజాగా హీరో రామ్ స్వీయ దర్శకత్వంలో సినిమా చేయడంతో స్ఫూర్తి పొందిన సుధీర్ బాబు ఇదే బాటలో నడవాలనుకుంటున్నారు. త్వరలో ఈ విషయంపై అధికారిక ప్రకటన వెలువడే అవకాశం ఉన్నట్టు తెలుస్తోంది.