మత మార్పిడి చేస్తే ఎస్సీ హోదా కోల్పోతారని సుప్రీంకోర్టు స్పష్టీకరణ; రివ్యూ పిటిషన్ తిరస్కరణ

సుప్రీంకోర్టు మత మార్పిడికి సంబంధించి షెడ్యూల్డ్ కులాల (SC) హోదాపై మరోసారి స్పష్టత ఇచ్చింది. హిందూ, సిక్కు లేదా బౌద్ధ మతాలు కాకుండా ఇతర మతాల్లోకి మారిన వ్యక్తులు ఎస్సీ హోదాను కొనసాగించలేరని కోర్టు తెలిపింది.

ఈ అంశంపై మార్చిలో ఏపీ కోర్టు ఇచ్చిన తీర్పును పునఃపరిశీలించాలని కోరుతూ దాఖలైన రివ్యూ పిటిషన్ను సుప్రీంకోర్టు తిరస్కరించింది. క్రైస్తవ మతంలోకి మారిన వ్యక్తికి ఎస్సీ హోదా వర్తించదని స్పష్టం చేసింది.

తిరిగి హిందూ, సిక్కు లేదా బౌద్ధ మతంలోకి మారితే ఎస్సీ హోదా పునరుద్ధరణకు అవకాశం ఉందని, అయితే మూడు షరతులు తప్పనిసరిగా నెరవేరాలని కోర్టు పేర్కొంది. వ్యక్తి జన్మతః ఎస్సీ కులానికి చెందినవాడై ఉండాలి. తిరిగి మతం మార్పు నిజమైన ఉద్దేశంతో చేయాలి. సంబంధిత కులం ఆ వ్యక్తిని తిరిగి సభ్యుడిగా అంగీకరించాలి. ఈ మూడింటిలో ఏ షరతు నెరవేరకపోయినా ఎస్సీ హోదా పునరుద్ధరణ సాధ్యం కాదని సుప్రీంకోర్టు తేల్చి చెప్పింది.