తలసాని శ్రీనివాస్ యాదవ్ : యాదవులపై అవమానకర వ్యాఖ్యలు చేస్తే రాష్ట్రవ్యాప్త ఆందోళన చేపడతాం - హెచ్చరిక

మాజీ మంత్రి తలసాని శ్రీనివాస్ యాదవ్, యాదగిరిగుట్ట ట్రస్ట్ బోర్డు సభ్యురాలు ఈశ్వరమ్మపై జరిగిన కుల వ్యాఖ్యలను ఖండించారు. ఈ సందర్భంగా ఆయన ఆమెను పరామర్శించారు.

మరోసారి యాదవులపైగానీ, ఇతర బీసీ వర్గాలపైగానీ అవమానకర వ్యాఖ్యలు చేస్తే సహించబోమని ఆయన హెచ్చరించారు. ఇలాంటి సంఘటనలు పునరావృతమైతే రాష్ట్రవ్యాప్తంగా ఆందోళన చేపడతామని స్పష్టం చేశారు.

“గతంలో మాదిరిగా ఇప్పుడు మాట్లాడితే ఊరుకోం. మా ఇంటి మీదకు వచ్చి ఇలాంటి వ్యాఖ్యలు చేస్తే మేమూ మీ ఇళ్లకు వస్తాం” అని తలసాని అన్నారు. యాదవ సామాజికవర్గం బలమైనదని, అవమానాలను సహించే స్థితిలో లేమని అన్నారు.

ఈశ్వరమ్మపై ఎవరు అవమానకర వ్యాఖ్యలు చేశారనే విషయంపై ఆయన పేర్కొనలేదు. ఈ వ్యాఖ్యలపై ఆరోపణలు ఎదుర్కొంటున్న వ్యక్తుల స్పందన తెలియాల్సి ఉంది.