కృష్ణా జిల్లాలో టీడీపీ కొత్త ఇంచార్జిల నియామకం

టీడీపీ అధిష్టానం కృష్ణా జిల్లాలోని అవనిగడ్డ, విజయవాడ పశ్చిమ నియోజకవర్గాలకు కొత్తగా ఇంచార్జిలను నియమించింది. అవనిగడ్డకు వికృతి శ్రీనివాసరావు, విజయవాడ పశ్చిమానికి మాజీ ఎమ్మెల్సీ బుద్ధ వెంకన్నను ఇంచార్జిలుగా ఖరారు చేసింది.

అవనిగడ్డలో జనసేన నుంచి మండలి బుద్ధ ప్రసాద్ ఎమ్మెల్యేగా ఉన్నారు. ఆయనకు, స్థానిక టీడీపీ నేతలకు మధ్య విభేదాలు తరచూ వస్తుండడంతో ఇంచార్జి నియామకం కోసం డిమాండ్ చేశారు. కొత్త ఇంచార్జితో కూటమిలో సమన్వయం పెరుగుతుందని పార్టీ అంచనా.

విజయవాడ పశ్చిమలో బీజేపీ తరఫున సుజనా చౌదరి ఎమ్మెల్యే. ఇక్కడ ఇంచార్జిగా తొలుత ఎంపీ కేసినేని చిన్నికి బాధ్యతలు అప్పగించినా, చంద్రబాబు నాయుడు నియోజకవర్గ నేతలతో సమావేశాల తర్వాత బుద్ధ వెంకన్నను ఫైనల్ చేశారు. ఎన్టీఆర్ జిల్లాలో బీసీ సామాజిక వర్గానికి ఇప్పటివరకు ప్రాతినిధ్యం లేకపోవడంతో ఈ నియామకం సామాజిక సమీకరణాలను కూడా సరిచేసే ప్రయత్నంగా పార్టీ వర్గాలు చెప్పారు.