తెలంగాణ 2047 నాటికి 3 ట్రిలియన్ డాలర్ల ఆర్థిక వ్యవస్థగా మారుతుంది: మంత్రి జూపల్లి కృష్ణారావు

తెలంగాణను 2047 నాటికి మూడు ట్రిలియన్ డాలర్ల ఆర్థిక వ్యవస్థగా మార్చాలని రాష్ట్ర మంత్రి జూపల్లి కృష్ణారావు అన్నారు. హైదరాబాద్‌లోని కన్హా శాంతివనంలో జరిగిన ‘విజన్ ఇండియా 2047 ఇంటిగ్రేటెడ్ సైన్స్ ఇన్నోవేషన్ అండ్ యూత్ ఎంపవర్‌మెంట్’ జాతీయ సదస్సులో ఆయన ముఖ్య అతిథిగా పాల్గొన్నారు.

భారతదేశాన్ని 2047 నాటికి అభివృద్ధి చెందిన, స్వావలంబన కలిగిన దేశంగా తీర్చిదిద్దడంలో యువత, సైన్స్, ఆవిష్కరణలే ప్రధాన చోదక శక్తులని మంత్రి అన్నారు. ప్రభుత్వ విద్య, వైద్యాన్ని బలోపేతం చేయడం ద్వారానే ‘వికసిత్ భారత్ 2047’ లక్ష్యాలను చేరుకోవచ్చునని ఆయన అభిప్రాయపడ్డారు.

గ్రామీణ భారతం అప్పుల భూమి నుంచి బయటపడాల్సిన అవసరం ఉందని, నాణ్యమైన విద్యతోపాటు సైన్స్, ఆర్టిఫిషియల్ ఇంటెలిజెన్స్ వంటి సాంకేతికతలను విద్యలో అనుసంధానం చేయాలని జూపల్లి కృష్ణారావు పేర్కొన్నారు. తెలంగాణ రైజింగ్ 2047 విజన్ సాధనకు నాణ్యమైన విద్య, సాంకేతికత అవసరమని ఆయన నొక్కి చెప్పారు.

ఈ సదస్సులో వివిధ రాష్ట్రాల నుంచి వైస్ ఛాన్సలర్లు, ప్రొఫెసర్లు పాల్గొన్నారు. వైస్ ఛాన్సలర్ జి. శ్రీనివాసు ఆధ్వర్యంలో కార్యక్రమం జరిగింది.