సీఎం రేవంత్ రెడ్డి విదేశీ పర్యటన; ఈ నెల 30 వరకు యూకే, అమెరికాలో పర్యటన

ముఖ్యమంత్రి రేవంత్ రెడ్డి విదేశీ పర్యటనకు బయలుదేరారు. ఢిల్లీ నుంచి అర్ధరాత్రి లండన్‌కు వెళ్లారు. ఈ నెల 30 వరకు యూకే, అమెరికా పర్యటన కొనసాగుతుంది.

తెలంగాణలో విద్యా ప్రమాణాలను పెంచడం ఈ పర్యటన లక్ష్యం. యువతలో నైపుణ్యాలను పెంచడం మరో లక్ష్యం. క్రీడల్లో అంతర్జాతీయ గుర్తింపు సాధించడం కూడా లక్ష్యమని ప్రభుత్వం తెలిపింది. ఈ పర్యటనలో ప్రముఖ విశ్వవిద్యాలయాలను, క్రీడా సంస్థలను, నైపుణ్య కేంద్రాలను ముఖ్యమంత్రి సందర్శిస్తారు.

సంబంధిత అధికారులు, నిపుణులతో సమావేశాలు జరుగుతాయి. అక్కడ పలు అవగాహన ఒప్పందాలు కుదిరే అవకాశం ఉంది. పలు విదేశీ విశ్వవిద్యాలయాలు తెలంగాణలో క్యాంపస్ ఏర్పాటుకు సిద్ధంగా ఉన్నాయని తెలుస్తోంది.

ముఖ్యమంత్రితో పాటు మాజీ సీఎస్, సీఎం సలహాదారు కే రామకృష్ణారావు, ఇతర అధికారులు ఈ పర్యటనలో ఉన్నారు. ముందుగా లండన్ చేరుకున్న ముఖ్యమంత్రి ఈ రోజు సాయంత్రం 6 గంటలకు ఎంఐఎం ఎమ్మెల్యే కుమార్తె వివాహ వేడుకకు హాజరవుతారు. కుటుంబ సభ్యులతో కలిసి ఈ నెల 24 వరకు లండన్‌లో ఉంటారు. ఆ తర్వాత అమెరికా వెళ్తారు.