తెలంగాణలో ఇంజినీరింగ్ కౌన్సెలింగ్ ప్రారంభం: 89,252 సీట్లు అందుబాటులో

తెలంగాణలో 2026 ఇంజినీరింగ్ కౌన్సెలింగ్ నేటి నుంచి ప్రారంభమైంది. వెబ్ ఆప్షన్ల ప్రక్రియను జూలై 1 వరకు నమోదు చేసుకోవచ్చు. ఈ ఏడాది తొలి విడతకు 175 కళాశాలల్లో కన్వీనర్ కోటా కింద 81,620, ఈడబ్ల్యూఎస్ కోటా కింద 7,632 సీట్లు కలిపి మొత్తం 89,252 సీట్లు అందుబాటులో ఉన్నాయని ప్రవేశాల కన్వీనర్ శ్రీ దేవసేన వెల్లడించారు. ఈ కళాశాలల్లో 22 యూనివర్సిటీ కళాశాలలు, 2 ప్రైవేట్ యూనివర్సిటీలు, 151 ప్రైవేట్ అనుబంధ కళాశాలలు ఉన్నాయి. గత సంవత్సరం మొదటి విడతలో 178 కళాశాలలు ఉండగా ఈసారి ఆ సంఖ్య 175కు తగ్గింది. చివరి విడత నాటికి కళాశాలలతో పాటు సీట్ల సంఖ్య కూడా పెరిగే అవకాశం ఉందని అధికారులు భావిస్తున్నారు.