తెలంగాణ ఉద్యోగులకు రూ.1.5 కోట్ల ఉచిత ప్రమాద బీమా

ప్రభుత్వ ఉద్యోగులందరికీ ఉచిత ప్రమాద బీమా సౌకర్యం కల్పించే నిర్ణయం తెలంగాణ ప్రభుత్వం తీసుకుంది. ఈ పథకం కింద రెగ్యులర్ ఉద్యోగులతో పాటు కాంట్రాక్టు, అవుట్‌సోర్సింగ్ ఉద్యోగులకు కూడా బీమా వర్తిస్తుంది.

బీమా అమలు కోసం 14 బ్యాంకులతో ప్రభుత్వం అవగాహన ఒప్పందం (MoU) కుదుర్చుకుంది. సాధారణ ప్రమాదంలో మరణం సంభవిస్తే రూ.1.5 కోట్లు, విమాన ప్రమాదమైతే రూ.3 కోట్ల బీమా అందుతుందని ముఖ్యమంత్రి రేవంత్ రెడ్డి ప్రకటించారు.

తెలంగాణ రాష్ట్ర రోడ్డు రవాణా సంస్థ (టీఎస్ఆర్టీసీ) ఉద్యోగులకు ఇచ్చిన హామీని కూడా తప్పకుండా అమలు చేస్తామని ఆయన హామీ ఇచ్చారు. ఉద్యోగుల సంక్షేమం పట్ల ప్రభుత్వం కట్టుబడి ఉందని ముఖ్యమంత్రి స్పష్టం చేశారు.