బోనాల వేడుకల్లో కాళికామాత వేషం వేసిన డ్యాన్స్ మాస్టర్ విక్కీ కడుపు తిప్పలు

హైదరాబాద్ బోనాల వేడుకల్లో కాళికామాత వేషం వేసుకొని తిరుగుతున్న డ్యాన్స్ మాస్టర్ విక్కీ తన ఆర్థిక కష్టాలను వెల్లడించారు. వరంగల్ కు చెందిన విక్కీ ప్రస్తుతం హైదరాబాద్ లో నివసిస్తున్నారు.

విక్కీ స్కూల్ లో డ్యాన్స్ నేర్పిస్తుండగా, యూట్యూబ్ లో ఆల్బమ్ పాటలు కూడా చేస్తారు. బోనాల సీజన్ లో వచ్చిన వేషాలను వేసుకుంటారు. కడుపు తిప్పలతో ఉన్నామని, వచ్చిన పని చేస్తున్నామని ఆయన తెలిపారు.

తన తమ్ముడు కూడా డ్యాన్స్ మాస్టర్ అని, ఇద్దరూ కలిసి వేషాలు వేస్తుంటారని వివరించారు. ఖాళీగా ఉండకుండా యూట్యూబ్ ఆల్బమ్ సాంగ్ లు, స్కూల్ డ్యాన్స్ నేర్పించడం, ఇలా వచ్చిన పని ఏదైనా చేస్తానన్నారు. ఈ బోనాల వేడుకల్లో పోసమ్మ పాటతో మరో కోలాటం బృందం ప్రదర్శన ఇచ్చింది.