ఫీజు రీయింబర్స్మెంట్ జీఓపై హైకోర్టు స్టే: ఇంజనీరింగ్, ఫార్మసీ కాలేజీలకు తాత్కాలిక ఊరట

తెలంగాణ హైకోర్టు ఫీజు రీయింబర్స్మెంట్‌కు సంబంధించిన ప్రభుత్వ జీఓపై మంగళవారం వరకు మధ్యంతర స్టే విధించింది. దీంతో ప్రైవేట్ ఇంజనీరింగ్, ఫార్మసీ కాలేజీలకు తాత్కాలిక ఊరట లభించింది.

ప్రభుత్వం రీయింబర్స్మెంట్ రూ.1000 కోట్లకు పైగా బకాయిలు చెల్లించలేదని, అదే సమయంలో విద్యార్ధుల నుంచి ఫీజులు వసూలు చేయకూడదనే నిబంధన వల్ల కాలేజీలు నడపలేకపోతున్నామని కాలేజీ యాజమాన్యాలు కోర్టులో వాదించాయి. దాదాపు 80కు పైగా కాలేజీలు ఈ పిటిషన్‌లు దాఖలు చేశాయి.

విచారణ సందర్భంగా హైకోర్టు ప్రభుత్వాన్ని ప్రశ్నిస్తూ, రీయింబర్స్మెంట్ ఇవ్వకపోవడం, ఫీజులు వసూలు చేయడానికి అనుమతి లేకపోవడంతో కాలేజీలు ఎలా నడుస్తాయని ప్రశ్నించింది. ప్రభుత్వ న్యాయవాది కొన్ని మార్గదర్శకాలపై స్పష్టత ఉందని తెలిపారు. తదుపరి విచారణ మంగళవారం జరగనుంది, అప్పుడు అడ్వకేట్ జనరల్ ప్రభుత్వం తరపున వాదనలు వినిపిస్తారు.