తెలంగాణలో నేటి నుంచి మండల స్థాయి ప్రజావాణి కార్యక్రమం ప్రారంభం

తెలంగాణ ప్రభుత్వం నేటి నుంచి మండల స్థాయిలో ప్రజావాణి కార్యక్రమం ప్రారంభిస్తోంది. అధికారులు ఉదయం 10 గంటల నుంచి మధ్యాహ్నం 1 గంట వరకు దరఖాస్తులు స్వీకరిస్తారు.

దరఖాస్తుదారుల నమోదుతో పాటు రిజిస్ట్రేషన్ నంబర్ కూడా ఫిర్యాదుదారులకు ఇస్తారు. మండల స్థాయి అధికారులు, ఎస్ఐలు ఈ కార్యక్రమంలో పాల్గొనాలని ప్రభుత్వం ఆదేశించింది. స్వీకరించిన వినతి పత్రాలను వెంటనే పరిష్కరించాలని సూచించింది.

ప్రతి సోమవారం జిల్లా కలెక్టరేట్లలో జరిగే ప్రజావాణిలో మండల స్థాయి నుంచి 70 శాతం ఫిర్యాదులు వస్తున్నాయి. దీంతో మండలాల్లోనే ప్రజావాణి నిర్వహించాలని ప్రభుత్వం నిర్ణయించింది.