తెలంగాణ ప్రభుత్వం ఈ నెల 10న మహా వరుణ యాగం నిర్వహించనుంది, CM రేవంత్ రెడ్డి పాల్గొంటారు

తెలంగాణ ప్రభుత్వం రాష్ట్రంలో విస్తారమైన వర్షాల కోసం మహా వరుణ యాగం నిర్వహిస్తోంది. ఈ నెల 10న నాగార్జున సాగర్ జలాశయం వద్ద విజయ విహార్ ఆవరణలో ఈ యాగం జరుగుతుంది.

యాదగిరిగుట్ట దేవస్థానానికి చెందిన 108 మంది వేద పండితుల ఆధ్వర్యంలో యాగం చేపడతారు. 11 హోమకుండాలు ఏర్పాటు చేశారు. మధ్యాహ్నం 3:24 గంటలకు పూర్ణాహుతి నిర్వహిస్తారు.

రాష్ట్ర ముఖ్యమంత్రి రేవంత్ రెడ్డి పూర్ణాహుతి కార్యక్రమంలో పాల్గొంటారు. వర్షాలు కురిసి పంటలు సమృద్ధిగా పండేలా ఈ యాగం నిర్వహిస్తున్నట్టు మంత్రి ఉత్తమ్ కుమార్ రెడ్డి తెలిపారు.