ధాన్యం నిల్వ కోసం 20 ఆధునిక సైలోలు: మంత్రి ఉత్తం కుమార్ రెడ్డి

తెలంగాణ రాష్ట్రంలో ధాన్యం నిల్వ వ్యవస్థను ఆధునికంగా మార్చేందుకు ప్రభుత్వం ప్రణాళికలు సిద్ధం చేస్తోంది.

నీటి పారుదల, పౌర సరఫరాల శాఖ మంత్రి ఉత్తం కుమార్ రెడ్డి మాట్లాడుతూ, ప్రధాన వరి ఉత్పత్తి జిల్లాల్లో 20 ప్రాంతాల్లో అత్యాధునిక సైలోల ఏర్పాటుపై పరిశీలన చేస్తున్నట్టు తెలిపారు.

ధాన్యం నిల్వ, రవాణా రంగానికి చెందిన ప్రముఖ సంస్థల ప్రతినిధులతో సచివాలయంలో సమీక్ష సమావేశం నిర్వహించారు. వరి ఉత్పత్తి, ధాన్యం కొనుగోళ్లు పెరుగుతుండడంతో నిల్వ సామర్థ్యాలను పెంచాల్సిన అవసరం ఉందని మంత్రి పేర్కొన్నారు.