తెలంగాణలో SIR సర్వే: ఓటరు వివరాలు అప్‌డేట్ చేసుకునే విధానం

భారత ఎన్నికల సంఘం (ECI) తెలంగాణలో స్పెషల్ ఇంటెన్సివ్ రివిజన్ (SIR) సర్వేను ప్రారంభించింది. ఈ సర్వే జూన్ 25 నుంచి జూలై 24 వరకు కొనసాగుతుంది.

ప్రతి పోలింగ్ బూత్ పరిధిలోని బూత్ లెవల్ ఆఫీసర్లు (BLO) ఇంటింటికీ వెళ్లి ప్రీ-ప్రింటెడ్ ఎన్యుమరేషన్ ఫామ్‌లతో వివరాలు సేకరిస్తారు. గతంలో నమోదైన ఓటరు వివరాలను సరిచూసుకుని సంతకం చేయాల్సి ఉంటుంది. ఇల్లు లాక్ చేసి ఉంటే కనీసం మూడుసార్లు అధికారులు వస్తారని ECI ఆదేశించింది. ఆన్‌లైన్‌లో కూడా .gov.in వెబ్‌సైట్ ద్వారా వివరాలు అప్‌డేట్ చేసుకోవచ్చు.

ఈ సర్వే ప్రధాన ఉద్దేశాలు: ఒక వ్యక్తికి ఒకటే ఓటు ఉండేలా డబుల్ ఓట్లు తొలగించడం, మరణించిన వారి పేర్లను తొలగించడం, వలస వెళ్లినవారు, కొత్త ఓటర్ల వివరాలను సరైన రీతిలో నమోదు చేయడం. 2002 తర్వాత ఇప్పుడు దేశవ్యాప్తంగా ఇంత పెద్ద ఎత్తున ఎలక్టోరల్ రోల్స్ క్లీనింగ్ జరుగుతోంది.

అయితే, కొన్ని కారణాల వల్ల ఓటరు పేర్లు తాత్కాలికంగా తొలగించినట్లు కనిపించవచ్చు. 2002 నాటి డేటాతో సరిపోల్చడం, తల్లిదండ్రుల పేర్ల స్పెల్లింగ్ తేడాలు, వయసులో లాజిక్ లోపాలు, డబుల్ ఓట్లు, అడ్రస్ అప్‌డేట్ చేయకపోవడం వంటివి ముఖ్య కారణాలు.

ఇలాంటి లోపాలు ఉంటే నేరుగా ఓటు తొలగించరు. జూలై 31 నుంచి సెప్టెంబర్ 28 మధ్య ఎలక్టోరల్ రిజిస్ట్రేషన్ ఆఫీసర్ (ERO) నుంచి నోటీసు వస్తుంది. సరైన పత్రాలు సమర్పిస్తే ఓటు భద్రంగా ఉంటుంది. జూలై 31న డ్రాఫ్ట్ ఎలక్టోరల్ రోల్ విడుదల అవుతుంది. పేరు కనిపించకపోతే ఆగస్టు 30 లోపు ఫారం-8 ద్వారా అభ్యంతరాలు తెలియజేయవచ్చు. అక్టోబర్ 1, 2026న తుది ఓటర్ల జాబితా వెలువడుతుంది. సందేహాలకు 1950 టోల్ ఫ్రీ నంబరుకు కాల్ చేయవచ్చు.