నిరుద్యోగుల నైపుణ్యాభివృద్ధికి స్కిల్ యూనివర్సిటీ ఏర్పాటు చేస్తున్నాం: సీఎం రేవంత్ రెడ్డి

రాష్ట్రంలో నిరుద్యోగుల నైపుణ్యాభివృద్ధికి స్కిల్ యూనివర్సిటీ ఏర్పాటు చేస్తున్నట్లు ముఖ్యమంత్రి రేవంత్ రెడ్డి తెలిపారు. హైదరాబాద్ ఎంసీఆర్ హెచ్ఆర్డీ బోధి పెవిలియన్లో భారతీ ఎంటర్ప్రైజెస్ ఛైర్మన్ సునీల్ మిట్టల్ను కలిసిన సందర్భంగా ఆయన ఈ విషయాలు వెల్లడించారు.

ఐటీఐలను ఏటీసీలుగా (అడ్వాన్స్డ్ టెక్నాలజీ సెంటర్లు) మారుస్తున్నామని, పాలిటెక్నిక్ కాలేజీలను అభివృద్ధి చేస్తున్నామని ముఖ్యమంత్రి వివరించారు. ప్రభుత్వ విద్యా సంస్కరణలకు సంబంధించిన చర్యలను సునీల్ మిట్టల్కు వివరించినట్లు అధికారిక వర్గాలు తెలిపాయి.