దుబాయ్లో తెలుగు యువకుడి హెల్త్ టెక్ సంస్థకు 4 మిలియన్ డాలర్ల పెట్టుబడి

దుబాయ్లో హెల్త్ టెక్ రంగంలో పనిచేస్తున్న Carve IT Consultancy FZ LLC సంస్థకు 4 మిలియన్ అమెరికన్ డాలర్ల పెట్టుబడి కమిట్మెంట్ లభించింది. ఈ మొత్తం భారతీయ కరెన్సీలో సుమారు 33 కోట్ల రూపాయలు. ఈ సంస్థను తెలుగు యువకుడు రఘునాథ్ స్థాపించారు.

ఐసిఐఈడి రూమ్ కార్యక్రమంలో భాగంగా దుబాయ్లో ఈ ఫండింగ్ లభించింది. సంస్థ ఈ పెట్టుబడిని కేవలం 30 రోజుల్లోనే సాధించింది. ఐసిఐఈ చైర్మన్ సందీప్ మార్గదర్శకత్వంలో సింగపూర్, యూఏఈ దేశాల్లో నిర్వహించిన ‘ఎక్స్ప్లోర్ టు ఎక్స్పాండ్’ అంతర్జాతీయ వ్యాపార పర్యటనలు ఈ విజయానికి దోహదం చేశాయి.

రఘునాథ్ మాట్లాడుతూ, సరైన వేదిక, మార్గదర్శకత్వం లభిస్తే భారతీయ యువత ప్రపంచ స్థాయిలో విజయాలు సాధించగలరని, సందీప్ సహకారం తనకు ఎంతో ఉపయోగపడిందని చెప్పారు. ప్రపంచవ్యాప్తంగా తెలుగు పారిశ్రామికవేత్తలకు అవకాశాలు కల్పించడమే లక్ష్యమని సందీప్ తెలిపారు.