టాలీవుడ్లో థియేటర్ పర్సెంటేజీ సమస్య మళ్లీ తెరపైకి

తెలుగు సినీ పరిశ్రమలో థియేటర్ పర్సెంటేజీపై నెలకొన్న వివాదం మళ్లీ తెరపైకి వచ్చింది. గతంలో నటుడు చిరంజీవి జోక్యంతో సమస్య తాత్కాలికంగా చల్లబడింది. జూన్ 30 వరకు ఒక కమిటీ ఏర్పాటైంది.

అయితే తెలుగు ఫిలిం ఛాంబర్ ఆ గడువులోగా ఎలాంటి నిర్ణయం తీసుకోలేదు. దీంతో ఇటీవలి సమావేశంలో తెలంగాణ ఫిలిం ఛాంబర్ ప్రతినిధులు ‘త్వరలో అద్దెలపై ఓ విధానం ప్రకటిస్తాం’ అని చెప్పి వాకౌట్ చేశారు.

ఎగ్జిబిటర్లు థియేటర్ అద్దెలు పెంచాలని చూస్తున్నారు. హీరో, బడ్జెట్ ఆధారంగా అద్దెలను నిర్ణయించాలని భావిస్తున్నారు. చిన్న సినిమాలకు ప్రస్తుత అద్దెలే కొనసాగించి, పాన్ ఇండియా సినిమాలకు, పెద్ద హీరోల చిత్రాలకు పెంచాలని ప్రతిపాదించారు.

నిర్మాతలు మాత్రం 2026లో విడుదలయ్యే సినిమాలకు పర్సెంటేజీ విధానాన్ని వ్యతిరేకిస్తున్నారు. తెలుగు, తెలంగాణ ఫిలిం ఛాంబర్ల మధ్య జరుగుతున్న ఈ చర్చలో అందరికీ ఆమోదయోగ్యమైన నిర్ణయం రావాల్సి ఉంది.