రామాయణం: రూ.250 కోట్లకు ధర్మా ప్రొడక్షన్స్‌కు ఇండియన్ డిస్ట్రిబ్యూషన్ హక్కులు

నితీశ్ తివారి దర్శకత్వం వహిస్తున్న ‘రామాయణ’ చిత్రం ఫస్ట్ పార్ట్ ఇండియన్ డిస్ట్రిబ్యూషన్ హక్కులను ధర్మా ప్రొడక్షన్స్ రూ.250 కోట్లకు సొంతం చేసుకుంది. ముందురోజు జరిగిన చర్చల్లో రూ.500 కోట్ల వరకు రేటు చర్చకు వచ్చినా, చివరకు ఈ డీల్ కుదిరింది.

ఈ చిత్రం రెండు భాగాలుగా రూ.4,000 కోట్ల బడ్జెట్‌తో రూపొందుతోంది. నమిత్ మల్హోత్ర, నటుడు యశ్ సంయుక్తంగా నిర్మిస్తున్నారు. రాముడిగా రణబీర్ కపూర్, సీతగా సాయి పల్లవి, రావణుడిగా యశ్, హనుమంతుడిగా సన్నీ డియోల్ నటిస్తున్నారు. దీపావళి సందర్భంగా ఈ చిత్రాన్ని విడుదల చేయాలని యూనిట్ భావిస్తోంది.

డీల్ కోసం నమిత్ మల్హోత్ర పంపిణీదార్లకు 30 నిమిషాల ఎడిటింగ్ చేసిన ఫుటేజ్ చూపించినట్టు తెలుస్తోంది. గతంలో ధర్మా ప్రొడక్షన్స్ ‘బాహుబలి 2’, ‘ది గాజీ అటాక్’, ‘దేవర’ వంటి చిత్రాలను విడుదల చేసింది. రామాయణంపై భారీ అంచనాలు ఉన్నా, రూ.250 కోట్ల రేటు తక్కువగా ఉన్నట్లు వ్యాఖ్యలు వినిపిస్తున్నాయి. కరణ్ జోహార్ ఇటీవలి సినిమాలు వరుసగా నిరాశపరచడంతో ఇది ధర్మాకు రిస్క్‌తో కూడుకున్నదనే అభిప్రాయం ఉంది.

జులై 18న రామాయణ ట్రైలర్ విడుదల చేయనున్నారు. రిలీజ్‌కు రెండు నెలల ముందే ట్రైలర్ తెరపైకి తీసుకురావడం ద్వారా హైప్ పెంచే ప్రయత్నం చేస్తున్నారు. మొత్తానికి ఈ సినిమా బిజినెస్ నెమ్మదిగా సాగుతున్నట్లు తెలుస్తోంది.