సాటిలైట్ వ్యాపారం క్షీణత; ఓటీటీ రైట్స్‌కే నిర్మాతల ప్రాధాన్యం

సాటిలైట్ ఛానళ్ల ద్వారా సినిమా హక్కుల వ్యాపారం గతంలో భారీగా సాగేది. కానీ ఓటీటీ మార్కెట్ విస్తరించడంతో ఈ పరిస్థితి మారింది. ఇప్పుడు నిర్మాతలు సాటిలైట్ కంటే డిజిటల్ హక్కులపైనే ఎక్కువ ఆధారపడుతున్నారు.

పెద్ద సినిమాలు, పాన్-ఇండియా ప్రాజెక్ట్ల డిజిటల్ హక్కులను ఓటీటీ సంస్థలు ముందుగానే కొనుగోలు చేస్తున్నాయి. వారణాసి, రాకా, స్పిరిట్, ఫౌజీ వంటి సినిమాల ఒప్పందాలు ఇప్పటికే పూర్తయ్యాయి. అయితే, మీడియం రేంజ్ సినిమాల విషయంలో ఓటీటీ సంస్థలు ఆసక్తి చూపడం లేదు. సినిమా విడుదలయ్యాక కంటెంట్ బాగుంటేనే తీసుకుంటామని వారు చెబుతున్నాయి.

స్టార్ కాంబినేషన్లతో పాటు కంటెంట్ బాగుండాలని విశ్లేషకులు సూచిస్తున్నారు. లేదంటే సాటిలైట్ వ్యాపారం మాదిరిగానే ఓటీటీ బిజినెస్ కూడా క్షీణించే ప్రమాదం ఉందని అభిప్రాయపడుతున్నారు.