తెలుగు రాష్ట్రాల్లో 25 ఏళ్ల రికార్డు వేడి — 46 డిగ్రీలకు చేరే అవకాశం

తెలుగు రాష్ట్రాల్లో ఈసారి 25 ఏళ్లలో ఎన్నడూ లేని స్థాయిలో ఉష్ణోగ్రతలు నమోదవుతున్నాయని వాతావరణ శాఖ అధికారులు తెలిపారు. హైదరాబాద్‌లోని మణికొండలో 43.9 డిగ్రీలు నమోదైంది. హైదరాబాద్, రంగారెడ్డి, మేడ్చల్, వికారాబాద్ జిల్లాల్లో 42 నుంచి 44 డిగ్రీలు నమోదవుతున్నాయి.

ఉత్తర తెలంగాణలోని ఆదిలాబాద్, నిర్మల్ తదితర జిల్లాల్లో 46 డిగ్రీలకు పైగా చేరే అవకాశం ఉందని వాతావరణ శాఖ హెచ్చరించింది. మరో వారం పది రోజుల పాటు ఈ తీవ్రత కొనసాగే అవకాశం ఉందని అధికారులు తెలిపారు. మే మొదటి వారంలోనే 42 డిగ్రీలకు పైగా నమోదవడం గత ఐదేళ్లలో ఇదే తొలిసారి.

వడగాలుల తీవ్రత మరో ఐదు రోజుల పాటు తెలంగాణ అంతటా ఎక్కువగా ఉంటుందని వాతావరణ శాఖ తెలిపింది. అత్యవసర పని ఉంటే మాత్రమే బయటికి వెళ్లాలని, మధ్యాహ్నం వేళ బయటికి వెళ్లవద్దని హెచ్చరికలు జారీ చేశారు.

వృద్ధులు, చిన్న పిల్లలు ప్రత్యేక జాగ్రత్త తీసుకోవాలని వైద్యులు సూచించారు. నీళ్లు పుష్కలంగా తాగాలని, పలచటి దుస్తులు ధరించాలని సూచించారు.