తెలంగాణ టీ20 లీగ్ TG-20 జూన్ 21 నుంచి ఉప్పల్ స్టేడియంలో షురూ

తెలంగాణ క్రికెట్ లీగ్ TG-20 జూన్ 21 ఆదివారం నుండి ప్రారంభం కానుంది. హైదరాబాద్ లోని ఉప్పల్ స్టేడియంలో ఈ టోర్నమెంట్ జరుగుతుంది. మొత్తం 8 జట్లు, 22 రోజుల పాటు 32 మ్యాచ్ లు ఆడతాయి.

తొలి మ్యాచ్ జూన్ 21 రాత్రి 7:15 గంటలకు ప్రారంభం అవుతుంది. ఈ మ్యాచ్ లో పాలమూరు స్ట్రైకర్స్, ఖమ్మం అన్విత SS జట్టు తలపడతాయి. లీగ్ ప్రారంభోత్సవంలో సంగీత దర్శకుడు తమన్ లైవ్ ప్రోగ్రాం ఉంటుంది. లీగ్ దశ జూలై 7తో ముగుస్తుంది. ప్లే ఆఫ్స్ జూలై 10 నుంచి, ఫైనల్ జూలై 12న జరుగుతాయి.

విజేత జట్టుకు ₹1 కోటి, రన్నరప్ కు ₹50 లక్షల ప్రైజ్ మనీ ఇస్తారు. ఇతర రెండు జట్లకు ₹25 లక్షలు చొప్పున లభిస్తాయి. టైటిల్ స్పాన్సర్ శ్రీనిధి యూనివర్సిటీ. బ్రాండ్ అంబాసిడర్ గా నటుడు విజయ్ దేవరకొండ వ్యవహరిస్తున్నారు.

టోర్నీలో టీం ఇండియా ఆటగాళ్ళు మహమ్మద్ సిరాజ్, తిలక్ వర్మ పాల్గొంటున్నారు. టికెట్ ధర ₹50 నుంచి ప్రారంభమై, స్పెషల్ టికెట్లు కూడా అందుబాటులో ఉన్నాయి. District App ద్వారా టికెట్లు పొందవచ్చు. పలు టీవీ ఛానళ్లలో మ్యాచ్ ల లైవ్ టెలికాస్ట్ ఉంటుంది.

నిర్వాహకులు ఈ లీగ్ ద్వారా గ్రామీణ ప్రాంతాల నుంచి దాగి ఉన్న క్రికెట్ ప్రతిభ వెలుగులోకి వస్తుందని ఆశిస్తున్నారు. ఫ్రాంచైజర్లు తమ జట్లపై నమ్మకం వ్యక్తం చేశారు.