టీజీపీఎస్సీ స్థానికత నిబంధనపై హైకోర్టు తీర్పు.. అప్పీలు తిరస్కరణ

2022 AE నియామక నోటిఫికేషన్‌లో స్థానికత నిర్ధారణకు సంబంధించిన వివాదంలో టీజీపీఎస్సీకి హైకోర్టు చుక్కెదురైంది. స్థానికత నిరాకరణను సవాల్ చేస్తూ ఓ అభ్యర్థి దాఖలు చేసిన పిటిషన్‌పై సింగిల్ జడ్జి ఇచ్చిన తీర్పును సమర్థిస్తూ టీజీపీఎస్సీ దాఖలు చేసిన అప్పీలును డివిజన్ బెంచ్ కొట్టివేసింది.

నిశాంత్ అనే అభ్యర్థి తాను 1 నుంచి 7వ తరగతి వరకు ఆంధ్రప్రదేశ్‌లో చదివారనే కారణంతో టీజీపీఎస్సీ స్థానికతను నిరాకరించడాన్ని ప్రశ్నిస్తూ హైకోర్టును ఆశ్రయించారు. సింగిల్ జడ్జి ఆయనను స్థానికుడిగా పరిగణలోకి తీసుకోవాలని ఆదేశించారు. దీనిపై టీజీపీఎస్సీ అప్పీలుకు వెళ్లింది.

అప్పీలుపై విచారించిన డివిజన్ బెంచ్, టీజీపీఎస్సీ వాదనపై ఆక్షేపణలు వ్యక్తం చేసింది. 1 నుంచి 7వ తరగతి ప్రాతిపదికగా స్థానికత నిర్ణయిస్తే, తెలంగాణలో డిగ్రీ, ప్రొఫెషనల్ కోర్సులు చదివిన అభ్యర్థులకు నియామకాల్లో అన్యాయం జరుగుతుందని తెలిపింది. నియామక నిబంధనల లక్ష్యం దెబ్బతింటుందని, ప్రాథమిక విద్య ఇతర ప్రాంతంలో చదివారనే కారణంగా ఉన్నత విద్యాభ్యాసాన్ని నిర్లక్ష్యం చేయడం సముచితం కాదని హైకోర్టు స్పష్టం చేసింది. ఈ తీర్పుతో సింగిల్ జడ్జి ఉత్తర్వే చెల్లుబాటు అవుతుంది.