సింగిల్ స్క్రీన్ థియేటర్ల శాతం వివాదం: జూన్ 30 గడువుకు 10 రోజులు మాత్రమే మిగిలాయి

సింగిల్ స్క్రీన్ థియేటర్లలో శాతం విధానం వివాదంపై కమిటీ నిర్ణయించిన గడువుకు 10 రోజుల సమయం మాత్రమే మిగిలింది. జూన్ 30 తర్వాత తెలంగాణలో శాతం విధానం అమలు జరుగుతుందా అనే చర్చ నడుస్తోంది.

ఈ వివాదం ఇటీవల పెద్ద సినిమా విడుదలకు ముందు తీవ్రమైంది. నటుడు చిరంజీవి జోక్యంతో అప్పట్లో వివాదం సద్దుమడిగింది. శాతం ఇస్తేనే సినిమా ఆడిస్తామన్న ఎగ్జిబిటర్లు, జూన్ 30 వరకు రెంటల్ విధానంలోనే ప్రదర్శించేందుకు అంగీకరించారు.

అప్పటి కమిటీ లెక్కల ప్రకారం, తెలంగాణ, ఆంధ్రప్రదేశ్ లలో టికెట్ రేట్లు పెంచితే, రెంట్ తో పాటు 7.5% మరియు 5% చెల్లించాల్సి ఉంటుందని తెలిపారు. చిన్న సినిమాల విషయంలో రేట్ల పెంపు ఉండదని, పెద్ద సినిమాలకు పెంచిన రేట్లలో శాతం తీసుకుంటామని ఎగ్జిబిటర్లు చెప్పారు.

మే 25న తెలంగాణ ఎగ్జిబిటర్స్ అసోసియేషన్ చిరంజీవిని కలిసింది. ఆ సమయంలో చాంబర్ ప్రత్యేక కమిటీ నివేదిక ప్రకారం నడచుకోవాలని ఆయన సూచించారు. జూన్ 30 తర్వాత ఆమోదయోగ్యమైన నిర్ణయాలు వస్తాయని ఎగ్జిబిటర్లు తెలిపారు.

జూలై 1 నుంచి విడుదల కానున్న సినిమాల పరిస్థితిపై చర్చ ప్రారంభమైంది. గత 20 రోజుల్లో వచ్చిన చిన్న సినిమాలకు సమస్యలేమీ ఎదురు కాలేదు. అయితే జూలై 3న విడుదల కానున్న 'నాగబంధం', 'రావు బహదూర్' చిత్రాలకు ఎగ్జిబిటర్లు శాతం ఇస్తారా లేదా రెంటల్ విధానంలోనే ఆడిస్తారా అనేది స్పష్టంగా లేదు.

మరో పెద్ద సినిమా వచ్చే వరకు ఆలస్యం ఉంది. అప్పట్లోపు ఎగ్జిబిటర్లు, నిర్మాతల మధ్య ఏకాభిప్రాయం ఎలా ఉంటుందన్నది ఆసక్తిగా మారింది.