ఢిల్లీ ముకుంద్‌పూర్‌లో పోలీసులపై దాడి: ముగ్గురు పోలీసులకు గాయాలు

ఢిల్లీలోని ముకుంద్‌పూర్‌లో విధి నిర్వహణలో ఉన్న పోలీసులపై దాడి జరిగింది. ఈ దాడిలో ముగ్గురు పోలీసులు గాయపడ్డారు.

సరైన పత్రాలు లేని ఓ ద్విచక్ర వాహనాన్ని పోలీసులు సీజ్ చేశారు. అరగంట తర్వాత బైక్ యజమాని తన కుటుంబ సభ్యులతో కలిసి అక్కడికి చేరుకున్నారు. వారు పోలీసులతో వాగ్వాదానికి దిగారు. పోలీసుల కళ్లలో కారం చల్లి కర్రలు, ఇటుకలతో దాడి చేశారని పోలీసులు తెలిపారు.

స్థానికుల సాయంతో పోలీసులు ఓ మైనర్ను అదుపులోకి తీసుకున్నారు. ప్రధాన నిందితుడు సునీల్ అలియాస్ పంకజ్ తన అనుచరులతో కలిసి అక్కడి నుంచి పరారయ్యాడు.

పంకజ్ నేరస్తుడని, అతనిపై ఐదు తీవ్రమైన క్రిమినల్ కేసులు ఉన్నాయని పోలీసులు తెలిపారు. పరారీలో ఉన్న నిందితులను పట్టుకునేందుకు ప్రత్యేక బృందాన్ని ఏర్పాటు చేసినట్లు పోలీసులు వెల్లడించారు.