మహబూబాబాద్‌లో పులి సంచారం; ప్రజలకు అటవీ శాఖ హెచ్చరిక

మహబూబాబాద్ జిల్లా గూడూరు మండలంలోని అటవీ ప్రాంతంలో పులి సంచారం నమోదైంది. తోటద్రు తండ, మర్రిమిట్ట ప్రాంతాల్లో పులి కదలికలు గమనించినట్లు అటవీ అధికారులు తెలిపారు.

ప్రజల భద్రత దృష్ట్యా అధికారులు కొన్ని సూచనలు చేశారు. రాత్రి వేళ ఒంటరిగా పొలాలు, బావుల వద్దకు వెళ్లొద్దని, పశువులను అటవీ ప్రాంతంలో మేపడానికి తీసుకెళ్లొద్దని కోరారు. పులి అడుగులు కనిపిస్తే వెంటనే స్థానిక అటవీ లేదా పోలీసు అధికారులకు సమాచారం ఇవ్వాలని సూచించారు.

ఈ విషయం తెలిసిన స్థానిక గిరిజనులు, రైతులు భయాందోళనలకు గురవుతున్నారు. పొలం పనులకు వెళ్లే సమయంలో భయపడుతున్నామని, పులి వునికిని ప్రభుత్వం నిర్ధారించి తగు రక్షణ చర్యలు తీసుకోవాలని కోరుతున్నారు.