తిరుమలలో సర్వదర్శనానికి 24 గంటల వేచి ఉండాల్సిన పరిస్థితి

తిరుమలలో భక్తుల రద్దీ తీవ్రంగా పెరిగింది. టోకెన్లు లేని భక్తులకు సర్వదర్శనానికి 20 నుంచి 25 గంటల వరకు వేచి ఉండాల్సిన పరిస్థితి నెలకొంది.

ప్రతిరోజూ దాదాపు లక్ష మంది భక్తులు తిరుమలకు వస్తున్నారు. వైకుంఠం queue complex లోని 31 compartments నిండిపోయాయి. కిలోమీటర్ల పొడవున భక్తులు వరుసలో నిలబడ్డారు. అలిపిరి కాలిబాట మరియు శ్రీవారి మెట్టు కాలిబాట మీద కూడా భక్తులు పెద్ద సంఖ్యలో వస్తున్నారు.

TTD అదనపు EO వెంకయ్య చౌదరి, SP సుబ్బరాయుడు queue line management పై నేరుగా పర్యవేక్షణ చేశారు. శుక్రవారం అభిషేక సేవలో పాల్గొనే అవకాశం కూడా TTD అధికారులు భక్తులకు కల్పించారు.

ఆదివారం సెలవు రోజు కావడంతో రేపు రద్దీ మరింత పెరుగుతుందని అధికారులు అంచనా వేస్తున్నారు. ఈ రద్దీ మరో వారం రోజుల పాటు కొనసాగవచ్చని TTD తెలిపింది. భక్తులు సహకరించాలని TTD విజ్ఞప్తి చేసింది.