తిరుమలలో భక్తుల భారీ సందడి, సర్వదర్శనానికి 24 గంటలపాటు వేచి ఉండాలి

తిరుమల శ్రీవేంకటేశ్వర స్వామి వారి ఆలయంలో భక్తుల సంఖ్య భారీగా పెరిగింది. సర్వదర్శనం కోసం 24 గంటలకు పైగా క్యూలో వేచి ఉండాల్సి వస్తోందని భక్తులు చెబుతున్నారు.

క్యూలైన్లలో పసిపిల్లలు, వృద్ధులు తీవ్ర ఇబ్బందులు పడుతున్నారని పలువురు భక్తులు ఆవేదన వ్యక్తం చేశారు. బాత్రూమ్లు పరిశుభ్రంగా లేవని, దర్శనం ఆలస్యం కావడంతో భక్తులు అసౌకర్యానికి గురవుతున్నారని చెప్పారు.

ఈ విషయంపై టీటీడీ నుంచి ఇప్పటివరకు స్పందన రాలేదు. ముఖ్యంగా వృద్ధులు, అనారోగ్యంతో ఉన్నవారికి ప్రత్యేక ప్రాధాన్యత ఇవ్వాలని భక్తులు కోరుతున్నారు.