తిరుమలలో జూన్‌లో పెరుగుతున్న భక్తుల రద్దీ; దర్శన సమయాల ప్రకటన

తిరుమల శ్రీ వేంకటేశ్వర స్వామి దర్శనం కోసం వచ్చే భక్తుల రద్దీ జూన్ నెలలో మళ్లీ పెరుగుతోంది. జూన్ మొదటి రెండు రోజులు సాధారణంగా ఉన్న రద్దీ ఇప్పుడు పెరిగిందని టీటీడీ అధికారులు తెలిపారు.

వైకుంఠం క్యూ కాంప్లెక్స్ లోని 22 కంపార్ట్‌మెంట్లలో భక్తులు వేచి ఉన్నారు. టోకెన్లు లేని భక్తులకు సర్వదర్శనానికి 12 గంటల సమయం పడుతోంది. ప్రత్యేక ప్రవేశ దర్శనానికి 3 గంటలు, సర్వదర్శనం టోకెన్ పొందిన వారికి 4 గంటలు పడుతున్నట్లు టీటీడీ ప్రకటించింది.

మే నెలలో తిరుమల లడ్డు విక్రయాలు రికార్డు స్థాయిలో నమోదయ్యాయని అధికారులు వెల్లడించారు. జూన్ లో భక్తుల రద్దీ పెరగడంతో లడ్డు విక్రయాలు కూడా అధికంగా ఉండే అవకాశం ఉందని చెబుతున్నారు.