తిరుమల శ్రీవారి జేష్టాభిషేకం ప్రారంభం

తిరుమల శ్రీ వేంకటేశ్వర స్వామి ఆలయంలో జేష్టాభిషేకం కార్యక్రమం ఇవాళ ప్రారంభమైంది.

ప్రతి సంవత్సరం జేష్ట మాసంలో ఈ ఉత్సవాన్ని నిర్వహిస్తారు. వర్షాలు, పంటలు సమృద్ధిగా లభించాలనే ఉద్దేశంతో ఈ అభిషేకం చేస్తారు. ఏడాది పొడవునా మలయప్ప స్వామి విగ్రహానికి జరిగే అభిషేకాల వల్ల విగ్రహం కొంత తరిగిపోయే అవకాశం ఉంటుంది. ఆ తరుగుదలను నివారించడానికి, విగ్రహంలోకి చైతన్యాన్ని ఆవాహన చేయడానికి జేష్టాభిషేకం సహాయపడుతుంది.

దీన్ని బృగు మహర్షి క్రియాధికారం లేదా సుగంధ తైల సమర్పణ మహోత్సవం అని కూడా పిలుస్తారు. ఈ రోజున మలయప్ప స్వామి నిజరూప దర్శనం లభిస్తుంది; మిగతా రోజుల్లో స్వామి స్వర్ణ కవచం ధరించి దర్శనమిస్తాడు. అభిషేక జలాలను భక్తులపై చల్లుతారు.

ఈ సందర్భంగా భక్తులు పఠించదగిన రెండు వేంకటేశ్వర గాయత్రి మంత్రాల వివరాలు: 1. ఓం నిరంజనాయ విద్మహే నిరాకారాయ ధీమహి తన్నో శ్రీ వేంకటేశః ప్రచోదయాత్ 2. ఓం వెంకటేశాయ విద్మహే క్షీరవాసాయ ధీమహి తన్నో శ్రీనివాసః ప్రచోదయాత్