తిరుమలలో కోయిల్ ఆళ్వార్ తిరుమంజనం: ఆలయ శుద్ధి కార్యక్రమం నిర్వహణ

తిరుమల శ్రీ వేంకటేశ్వరస్వామి ఆలయంలో కోయిల్ ఆళ్వార్ తిరుమంజనం కార్యక్రమం శాస్త్రోక్తంగా నిర్వహించారు. ఆణివార ఆస్థానం సందర్భంగా ఈ ఆలయ శుద్ధి కార్యక్రమం చేపట్టారు.

అర్చకులు స్వామివారిని వస్త్రంతో కప్పి, ప్రధాన ఆలయంతో పాటు ఉపాలయాల పూజా సామాగ్రిని సుగంధ ద్రవ్యాలతో శుద్ధి చేశారు. TTD బోర్డు సభ్యులు, అధికారులు, సిబ్బంది ఈ కార్యక్రమంలో పాల్గొన్నారు.

ఏటా నాలుగుసార్లు ఈ తిరుమంజనం నిర్వహించడం ఆనవాయితీ. ఉగాది, ఆణివార ఆస్థానం, బ్రహ్మోత్సవాలకు ముందు, వైకుంఠ ఏకాదశికి ముందు ఈ ఆచారాన్ని పాటిస్తారు. స్వామివారికి ప్రత్యేక పూజలు, నివేదనలు సమర్పించిన అనంతరం ఉదయం 11 గంటలకు భక్తులకు దర్శనాలు ప్రారంభించారు.