తిరుమలలో రికార్డు స్థాయి దర్శనం: గురువారం 79,603 మందికి అవకాశం

గురువారం తిరుమలలో 79,603 మంది భక్తులకు శ్రీ వెంకటేశ్వర స్వామి దర్శనం కలిగింది. గురువారం ప్రత్యేక సేవలు ఉండడం వల్ల దర్శన సమయం తక్కువగా ఉంటుంది. అయినప్పటికీ ఇంత పెద్ద సంఖ్యలో దర్శనం జరగడం రికార్డు స్థాయి అని TTD అదనపు EO వెంకయ్య చౌదరి తెలిపారు.

శుక్రవారం అభిషేక సేవ సమయంలో 5,850 మంది భక్తులకు దర్శనం కల్పించారు. టోకెన్ లేని భక్తులకు సర్వదర్శనానికి 24 గంటలకు పైగా సమయం పడుతుందని TTD అధికారులు ప్రకటించారు. వైకుంఠం queue complex లన్నీ భక్తులతో నిండిపోయాయి. queue లైన్లు నారాయణగిరి ఉద్యానవన షెడ్ల నుండి శ్రీవారి సేవాసదన్ భవనం వరకు విస్తరించాయి.

రద్దీకి అనుగుణంగా ప్రతిరోజు అదనంగా 15,000 మందికి దర్శనం లభించేలా చర్యలు తీసుకున్నట్లు అదనపు EO తెలిపారు. queue లైన్లను గంటగంటకూ పర్యవేక్షిస్తూ, విజిలెన్స్ పోలీసుల సమన్వయంతో command control centre సేవలు వినియోగిస్తున్నారు.

తిరుచానూరు శ్రీ పద్మావతి అమ్మవారి ఆలయంలో శుక్రవారం సహస్ర దీపాలంకరణ సేవ జరిగింది. వేయి దీపాల కాంతులతో అమ్మవారికి అలంకరణ చేసి మాడవీధులలో ఊరేగింపు నిర్వహించారు.