తిరుమలలో 30 గంటల వేచి ఉండే పరిస్థితి — TTD భక్తులకు విజ్ఞప్తి

వేసవి సెలవులు మొదలైన నేపథ్యంలో తిరుమలలో భక్తుల రద్ది భారీగా పెరిగింది. సర్వదర్శనానికి ప్రస్తుతం 30 గంటల వరకు వేచి ఉండాల్సిన పరిస్థితి నెలకొంది.

వైకుంఠం Queue Complex, నారాయణగిరి షెడ్లు నిండిపోయాయి. క్యూ లైన్ బాట గంగమ్మ ఆలయం వరకు వెళ్ళింది. సర్వదర్శన క్యూలో మొత్తం 31 కంపార్ట్‌మెంట్లు నిండిపోయాయని TTD అధికారులు తెలిపారు.

ఈ నేపథ్యంలో రేపు ఉదయం 6 గంటల వరకు సర్వదర్శన క్యూ లైన్‌లోకి భక్తులను అనుమతించమని TTD ప్రకటించింది. అప్పటి వరకు TTD ధర్మశాల హాల్లు లేదా గదుల్లో వేచి ఉండాలని కోరింది.

తెలంగాణ, తమిళనాడు, కర్ణాటక, కేరళ, విశాఖపట్నం సహా వివిధ ప్రాంతాల నుంచి భక్తులు తిరుమలకు వస్తున్నారు. అలిపిరి మెట్ల మార్గం గుండా నడిచి వెళ్తున్న భక్తుల సంఖ్య కూడా భారీగా ఉంది.

ముందుగా online లో దర్శన టికెట్లు బుక్ చేసుకున్న భక్తులకు ఇబ్బంది ఉండదని TTD అధికారులు తెలిపారు. అలాంటి భక్తులు నిర్ణీత సమయానికి మాత్రమే తిరుమలకు రావాలని సూచించారు.

MLAలు, మంత్రులు కొందరు సిఫార్సు లేఖలతో TTD పై ఒత్తిడి తీసుకొస్తున్నారని అధికారులు పేర్కొన్నారు. ఈ నేపథ్యంలో కొన్ని privilege దర్శనాలను TTD రద్దు చేసింది. TTD ఉద్యోగులందరి సెలవులు కూడా రద్దు చేయడం జరిగింది.

తిరుపతి పోలీసులు, TTD vigilance అధికారులు రాత్రింబవళ్ళు నిఘా పెట్టారు. తోపులాటలు, తొక్కిసలాటలు జరగకుండా భక్తులు సహకరించాలని TTD విజ్ఞప్తి చేసింది. వేసవి సెలవులు మరో 15 రోజులు కొనసాగే అవకాశం ఉందని అధికారులు తెలిపారు.