తిరుమల శ్రీవారికి తిరుపావడి సేవ — మే 21, 2026

తిరుమల శ్రీ వేంకటేశ్వర స్వామి వారికి గురువారం, మే 21, 2026 న ఆర్జిత సేవగా తిరుపావడి సేవ నిర్వహించారు. పరాభవ నామ సంవత్సరం, జేష్ట మాసం, శుక్లపక్షం పంచమి తిధి, పునర్వసు నక్షత్రం సందర్భంగా ఈ సేవ జరిగింది.

మాధ్యాన్నిక నైవేద్యంలో భాగంగా సుమారు 450 కిలోల పులిహోర (తింత్రిణీ రసాన్నం) గరుడాళ్వార ముందు వెండి పీఠంపై అలంకరించారు. శుక్రవారం అభిషేక ఏర్పాట్ల కోసం స్వామి వారి మూలమూర్తిపై అలంకరించిన సువర్ణ తిరువాభరణాలు, రత్నాభరణాలు తొలగించి నేత్ర దర్శన అలంకారం చేశారు.

ఉభయ దేవేరులతో శ్రీ మలయప్ప స్వామి వారు స్వర్ణ గరుడ వాహనం, హనుమంత వాహనం, పెద్ద శేష వాహనంపై వేంచేసి ఆర్జిత బ్రహ్మోత్సవం నిర్వహించారు. పునర్వసు నక్షత్రం సందర్భంగా సహస్ర దీపాలంకరణ సేవ మండపంలో రాముల వారు, సీతాదేవి, లక్ష్మణ స్వామి, హనుమంత స్వామి వేంచేసి నాలుగు తిరువీధుల ఉత్సవం నిర్వహించారు.

సాయంత్రం పూలంగి సేవలో స్వామి వారి దివ్య మంగళ స్వరూపాన్ని వివిధ సుగంధ పుష్పమాలలతో అలంకరించి చతుర్వేద మంత్రపుష్పం నిర్వహించారు. రాత్రి ఏకాంత సేవలో శ్రీ భోగ శ్రీనివాస మూర్తి వారికి గోక్షీరం, జీడిపప్పు, ద్రాక్ష, కలకండా మిశ్రమంతో నైవేద్యం సమర్పించారు.