తిరుమలలో భారీ రద్దీ: గత 8 రోజుల్లో 7 లక్షల మంది దర్శనం

తిరుమలలో వేసవి సెలవుల సీజన్‌లో భారీ రద్దీ నెలకొంది. గత ఎనిమిది రోజుల్లో 7 లక్షల మంది భక్తులు శ్రీవారిని దర్శించుకున్నారు.

శనివారం ఒక్కరోజే 97,561 మంది భక్తులు దర్శనం చేసుకున్నారు. అదే రోజు 57,780 మంది తలనీలాలు సమర్పించారు.

క్యూ కాంప్లెక్స్‌లు, నారాయణగిరి షెడ్‌లు నిండిపోయాయి. బాటగంగమ్మ ఆలయం వరకు క్యూ లైన్ విస్తరించింది.

ప్రస్తుతం సర్వదర్శనానికి 30 గంటలు, ప్రత్యేక ప్రవేశ దర్శనానికి 6 గంటలు, టోకెన్ దర్శనానికి 8 గంటలు వేచి ఉండాల్సి వస్తోంది.

రద్దీని నిర్వహించేందుకు TTD వివిధ శాఖల సమన్వయంతో ప్రత్యేక ఏర్పాట్లు చేసింది. గురువారం, శుక్రవారం, శనివారం, ఆదివారాలలో రికార్డు స్థాయిలో దర్శనాలు కల్పించినట్లు TTD తెలిపింది.