తిరుపతి జిల్లాలో MPTC, ZPTC ఎన్నికల పోలింగ్ ప్రారంభం

తిరుపతి జిల్లా వ్యాప్తంగా MPTC, ZPTC ఎన్నికల పోలింగ్ ఈరోజు ఉదయం 7 గంటలకు ప్రారంభమైంది. పోలింగ్ కోసం అన్ని ఏర్పాట్లు పూర్తి చేసినట్టు అధికారులు తెలిపారు.

జిల్లాలో మొత్తం 444 MPTC స్థానాలకు ఎన్నిక జరగాల్సి ఉంది. వీటిలో 142 స్థానాలు ఏకగ్రీవమయ్యాయి. ZPTC స్థానాల్లో నాలుగు చోట్ల అభ్యర్థులు ఏకగ్రీవంగా ఎన్నికయ్యారు.

సమస్యాత్మక, అతి సమస్యాత్మక పోలింగ్ కేంద్రాలపై అధికారులు ప్రత్యేక దృష్టి పెట్టారు. 760 సెన్సిటివ్, హైపర్ సెన్సిటివ్ కేంద్రాల్లో వెబ్ కాస్టింగ్ ఏర్పాటు చేసినట్టు ఎన్నికల అధికారులు తెలిపారు. ఈ కేంద్రాల్లో పోలీసులను మోహరించారు. పోలింగ్ కేంద్రాల వద్ద రెండు పార్టీల ఏజెంట్లను కొంత దూరంలో ఉంచుతున్నట్టు అధికారులు చెప్తున్నారు.

చిత్తూరు జిల్లాలో MPTC, ZPTC ఎన్నికలకు దాదాపు 10 లక్షల మంది ఓటర్లు ఓటు వేయనున్నారు. జిల్లాలో 27 ZPTC స్థానాలు ఉండగా, మూడు చోట్ల ఏకగ్రీవం అయ్యాయి. 370 MPTC స్థానాలకు గాను 70 ఏకగ్రీవమయ్యాయి. మిగిలిన 300 స్థానాలకు పోలింగ్ జరుగుతోంది.

వెబ్ కాస్టింగ్ అమలుపై YSRCP అభ్యర్థులు అనుమానం వ్యక్తం చేస్తున్నారు. గత మున్సిపల్ కార్పొరేషన్, మున్సిపాలిటీ ఎన్నికల్లో లైవ్ స్ట్రీమింగ్ హామీ పూర్తిగా అమలు కాలేదని వారు చెప్తున్నారు. ఈ విషయంపై ఇతర పార్టీల స్పందన తెలియాల్సి ఉంది.