తిరుపతి 36వ డివిజన్‌లో రీపోలింగ్: 36/4 కేంద్రంలో ఘర్షణల నేపథ్యంలో పోలింగ్

తిరుపతి మునిసిపల్ ఎన్నికల్లో 36వ డివిజన్‌లో ఈరోజు రీపోలింగ్ జరుగుతోంది. నిన్నటి పోలింగ్‌లో 36/4 పోలింగ్ కేంద్రంలో ఘర్షణలు చోటు చేసుకున్న తర్వాత అధికారులు ఈ నిర్ణయం తీసుకున్నారు.

పోలింగ్ బూత్‌లోకి రెబెల్ అభ్యర్థులు ప్రవేశించి గొడవకు దిగినట్టు సమాచారం. ఈ ఘటన లైవ్ వెబ్‌కాస్టింగ్‌లో రికార్డ్ అయింది.

ఆ దృశ్యాలను పరిశీలించిన ఎన్నికల అధికారులు రీపోలింగ్ నిర్వహించాలని నిర్ణయించారు. తిరుపతి కలెక్టర్ ఆదేశాలతో ఈరోజు రీపోలింగ్ చేపట్టారు.

భారీ పోలీస్ బందోబస్తు మధ్య పోలింగ్ కొనసాగుతోంది. సాయంత్రం 5 గంటల వరకు ఓటర్లు తమ ఓటు హక్కును వినియోగించుకోవచ్చని ఎన్నికల అధికారులు తెలిపారు.