తాతయ్యగుంట గంగమ్మకు ధనలక్ష్మి అవతార అలంకరణ — భక్తులు పెద్ద సంఖ్యలో తరలి వచ్చారు

తిరుపతిలోని తాతయ్యగుంట గంగమ్మ ఆలయంలో గంగమ్మ జాతర తర్వాత వచ్చిన రెండవ మంగళవారం పండుగ సందర్భంగా దేవికి ధనలక్ష్మి అవతార అలంకరణ చేశారు.

ఆర్చకులు సుమారు ₹50 లక్షల విలువైన కొత్త కరెన్సీ నోట్లతో గర్భాలయాన్ని అలంకరించారు. మూలవిరాట్‌కు సుగంధ ద్రవ్యాలతో అభిషేకం నిర్వహించి, వజ్రాల కిరీటంతో అలంకరించారు.

ఈ దర్శనం కోసం పెద్ద సంఖ్యలో భక్తులు ఆలయానికి వచ్చారు. భక్తులు పొంగళ్లు వండి మొక్కులు చెల్లించుకున్నారు. రాయలసీమ కళాకారులు పౌరాణిక వేషధారణలతో నృత్య కార్యక్రమాలు ప్రదర్శించారు.

దేవదాయ శాఖ కమిషనర్ కుటుంబ సమేతంగా ఆలయాన్ని సందర్శించారు.