తిరుపతి ఏర్పేడు వ్యాసాశ్రమం పీఠాధిపతి వారసత్వంపై వివాదం

తిరుపతి జిల్లా ఏర్పేడులోని వ్యాసాశ్రమం పీఠాధిపతి వారసత్వంపై వివాదం కొనసాగుతోంది. ఆశ్రమ పీఠాధిపతి వర్గం, ఆశ్రమ పరిరక్షణ సమితి, పూర్వ విద్యార్థుల సంఘం మధ్య విభేదాలు తీవ్రంగా ఉన్నాయి.

కలెక్టర్, SP, దేవాదాయ శాఖ అధికారులు ఇరు వర్గాలతో చర్చలు జరిపారు. అయితే చర్చల్లో పరిష్కారం కుదరలేదు. ఈ నెల 27న జరగనున్న శతాబ్ది ఉత్సవాల నిర్వహణపై స్పష్టత లేదు.

2014 మే 7న అప్పటి కమిషనర్ ముక్తేశ్వరరావు 22 అభియోగాలతో పీఠాధిపతిపై చర్యలకు నివేదిక ఇచ్చారు. దేవాదాయ శాఖ చట్టం 1987 నిబంధనల ఉల్లంఘన జరిగిందని నివేదిక పేర్కొంది. ఇప్పటివరకు చర్యలు తీసుకోకపోవడంపై పరిరక్షణ సమితి, పూర్వ విద్యార్థులు ప్రశ్నిస్తున్నారు.

శివరామ రెడ్డికి పీఠాధిపతి బాధ్యతలు ఇచ్చే ప్రతిపాదనను స్థానిక BJP నేతలు వ్యతిరేకిస్తున్నారు. ఈ నిర్ణయం వంశ పారంపర్యం కాదని, ఎవరు ఈ నిర్ణయం తీసుకున్నారని వారు ప్రశ్నిస్తున్నారు. ఎలాంటి సంప్రదాయం లేకుండా బాధ్యతలు అప్పగించడాన్ని తాము పూర్తిగా వ్యతిరేకిస్తున్నట్టు చెప్పారు.

చారిత్రక నేపథ్యం ప్రకారం, కేరళలో జన్మించిన మలయాళ స్వామి దేశవ్యాప్తంగా పాదయాత్ర చేశారు. 1912 నుంచి 12 ఏళ్లపాటు తిరుమల గోగర్భంలో తపస్సు చేశారు. ఆ తర్వాత ఏర్పేడులో 115 ఎకరాల్లో ఆశ్రమాన్ని స్థాపించారు. ఈ ఆశ్రమంలో కుల, మత, జాతి, లింగ భేదం లేకుండా ఆధ్యాత్మిక విద్య అందించారు. పీఠాధిపతి వర్గం స్పందన తెలియాల్సి ఉంది.