2026 రెండో అర్థభాగంలో టాలీవుడ్ నుంచి ఆరు భారీ సినిమాలు; మొత్తం బడ్జెట్లు సుమారు రూ.2,000 కోట్లు

2026 మొదటి అర్థభాగంలో అంచనాలకు తగిన ఫలితాలు రాకపోవడంతో, రెండో అర్థభాగంపై టాలీవుడ్ ఆశలన్నీ నెలకొన్నాయి. ఈ కాలంలో విడుదల కానున్న ఆరు ప్రధాన సినిమాల మొత్తం బడ్జెట్ సుమారు రూ.2,000 కోట్లకు చేరువలో ఉంది.

ప్రభాస్ నటించిన 'ఫౌజీ' సినిమా బడ్జెట్ రూ.600 కోట్లు దాటింది. డిసెంబర్ లో విడుదలకు ప్లాన్ చేస్తున్నారు. చిరంజీవి 'విశ్వంభర' పలుమార్లు వాయిదా పడింది. వీఎఫ్ఎక్స్ పై భారీ ఖర్చు చేశారు, బడ్జెట్ రూ.400 కోట్లకు చేరుకుందని సమాచారం.

వెంకటేష్-త్రివిక్రమ్ కాంబినేషన్ లో వస్తున్న 'ఆదర్శ కుటుంబం' బడ్జెట్ రూ.100 కోట్లు దాటింది. ఈ ఫ్యామిలీ డ్రామా అక్టోబర్ 2న థియేటర్లలోకి రానుంది. నాగార్జున కెరీర్ లో 100వ సినిమాగా 'కింగ్ 100' వస్తుంది. దసరా సీజన్ లో విడుదల కానుండటంతో పెద్ద సినిమాలతో పోటీ ఉంటుంది.

నాని-శ్రీకాంత్ ఓదెల కాంబోలో 'ది ప్యారడైజ్' బడ్జెట్ రూ.200 కోట్లు దాటింది. ఆగస్టు 21న రావాల్సిన ఈ సినిమా సెప్టెంబర్ 25కి వాయిదా పడింది. విజయ్ దేవరకొండ 'రణబలి' బడ్జెట్ రూ.150 కోట్లు, సెప్టెంబర్ 11న విడుదల కానుంది.

ఈ ఆరు సినిమాలకు బాక్సాఫీస్ వద్ద భారీ వసూళ్లు సాధించాల్సిన అవసరం ఉంది. 2026 మొదటి అర్థభాగంలో నమోదైన ఫలితాల నుండి ఇండస్ట్రీ కోలుకోవడానికి ఇవి కీలకంగా మారాయి.