లడఖ్‌లో చెక్‌పోస్ట్ వద్ద పర్యాటకురాలు వాగ్వాదం; వీకే సింగ్, ఉమర్ అబ్దుల్లా స్పందించారు

లడఖ్‌లోని మినామార్గ్ చెక్‌పోస్ట్ వద్ద ఒక పర్యాటక మహిళ భద్రతా సిబ్బందితో వాగ్వాదానికి దిగింది. వాహనాలను గంటల పాటు నిలిపివేశారని ఆమె ఆరోపించింది.

చిన్న పిల్లలతో ప్రయాణించే కుటుంబాలను అంతసేపు నిలిపివేయడం సరికాదని ఆమె ప్రశ్నించారు. తాము Gen Z తరానికి చెందినవారమని, ఇలాంటి పరిస్థితులను సహించేది లేదని ఆమె అన్నారు.

ఈ ఘటనపై ఆర్మీ మాజీ చీఫ్ జనరల్ వీకే సింగ్ X వేదికగా స్పందించారు. భద్రతా సిబ్బందిపై విమర్శలు చేసే ముందు వాస్తవాలు తెలుసుకోవాలని ఆయన సూచించారు. సైనికులను నిరాధారంగా నిందించడం, ఆరోపణలు చేయడం సరికాదని చెప్పారు.

జమ్మూ కాశ్మీర్ ముఖ్యమంత్రి ఉమర్ అబ్దుల్లా కూడా స్పందించారు. పాత రోజుల్లో కొందరు రాజకీయ నాయకుల పిల్లలు "నా తండ్రి ఎవరో నీకు తెలుసా" అంటూ బెదిరించేవారని ఆయన గుర్తుచేశారు. ఇప్పుడు Gen Z అనేది కొత్త రకం బెదిరింపుగా మారిందని వ్యాఖ్యానించారు.