ట్రంప్ సెక్షన్‌301 వాణిజ్య సుంకాల ప్రతిపాదన: భారత్‌పై 12.5% అదనపు పన్ను

అమెరికా అధ్యక్షుడు డోనాల్డ్ ట్రంప్ కొత్త వాణిజ్య సుంకాలు విధించే దిశగా అడుగులు వేస్తున్నారు. సుప్రీంకోర్టు తన పాత టారిఫ్‌లను తోసిపుచ్చిన నేపథ్యంలో, ట్రంప్ ప్రత్యామ్నాయ చట్టపరమైన మార్గంగా సెక్షన్‌301ని ఉపయోగించాలని యోచిస్తున్నారు.

యుఎస్ ట్రేడ్ రిప్రజెంటేటివ్ (USTR) కార్యాలయం ట్రేడ్ యాక్ట్ 1974 లోని సెక్షన్ 301 కింద 60 దేశాలపై విచారణ నిర్వహించి నివేదిక రూపొందించింది. దీని ప్రకారం, 15 దేశాలపై 10% అదనపు సుంకం విధిస్తే, భారత్, చైనా, జపాన్, దక్షిణ కొరియా సహా 45 దేశాలపై 12.5% అదనపు సుంకం విధించే ప్రతిపాదన ఉంది. అన్యాయ వాణిజ్య పద్ధతులు, అధిక ఉత్పత్తితో మార్కెట్‌ను ముంచెత్తుతున్న దేశాలను లక్ష్యంగా చేసుకున్నట్లు USTR తెలిపింది.

మరోవైపు, ఈ సుంకాల ముప్పు నుంచి బయటపడేందుకు భారత్ దౌత్య చర్చలు చేపట్టింది. ఫ్రాన్స్‌లో జరిగిన G7 సదస్సులో ప్రధాని నరేంద్ర మోదీ ట్రంప్‌తో భేటీ అయ్యారు. భారత్తో వాణిజ్య ఒప్పందం దగ్గరలో ఉందని ట్రంప్ అభిప్రాయపడ్డారు.

ప్రస్తుతం, అమెరికా టాప్ ట్రేడ్ రిప్రజెంటేటివ్ జెమిసన్ గ్రీర్ న్యూఢిల్లీలో ఉన్నారు. ఫిబ్రవరిలో కుదిరిన ప్రాథమిక ఫ్రేమ్‌వర్క్ ఆధారంగా, భారత వాణిజ్య మంత్రి పియూష్ గోయాల్‌తో రెండు రోజుల పాటు చర్చలు జరుపుతున్నారు. ద్వైపాక్షిక తాత్కాలిక వాణిజ్య ఒప్పందాన్ని ఖరారు చేయడమే లక్ష్యం.

ఒకవేళ భారత్తో ఒప్పందం కుదిరితే, సెక్షన్‌301 సుంకాల నుంచి భారత్‌కు మినహింపు లభించే అవకాశం ఉన్నట్లు నిపుణులు అంచనా వేస్తున్నారు. చర్చల ఫలితంపైనే దేశంపై ప్రభావం ఆధారపడి ఉంటుంది.