ఇరాన్‌పై మరో దాడి చేస్తా: ట్రంప్ హెచ్చరిక

అమెరికా అధ్యక్షుడు డొనాల్డ్ ట్రంప్ ఇరాన్‌పై మరోసారి దాడి చేస్తామని హెచ్చరించారు. గత రాత్రి ఇరాన్ ప్రయోగించిన డ్రోన్లు, మిస్సైల్‌కు ప్రతీకారంగా అమెరికా దాడి చేసిందని, ఈ రాత్రి కూడా దాడి కొనసాగుతుందని ఆయన స్పష్టం చేశారు.

ట్రంప్ మాట్లాడుతూ, 'వారు 47 ఏళ్లుగా చెడుగా ప్రవర్తిస్తున్నారు. గత రాత్రి వారు మా నౌకలపైకి రెండు డ్రోన్లు, ఒక రాకెట్, ఒక మిస్సైల్ ప్రయోగించారు. దీనికి ప్రతిస్పందనగా మేం వారిపై చాలా కఠినంగా దాడి చేశాం. ఈ రాత్రి కూడా దాడి చేస్తాం' అని తెలిపారు. హార్ముజ్ జలసంధిలో అమెరికా నౌకలను లక్ష్యంగా చేసుకుని ఈ దాడి జరిగినట్లు వెల్లడించారు.

ఈ పోరాటం లక్ష్యం ఇరాన్ అణు నిరాయుధీకరణేనని, పాలన మార్పు కోసం కాదని ట్రంప్ స్పష్టం చేశారు. అయితే అణు నిరాయుధీకరణ ప్రక్రియలో మొదటి గ్రూప్‌ను, రెండో గ్రూప్‌ను తొలగిస్తే అది అంతిమంగా పాలన మార్పే అని వ్యాఖ్యానించారు.

ఇరాన్ అధికారులతో సమావేశం జరగనుందని, కానీ వారు సమావేశం తర్వాత విలేకరుల సమావేశంలో ఏవిషయం చర్చించలేదని చెబుతారని ట్రంప్ విమర్శించారు. వారిని 'cuckoo' (పిచ్చివాళ్లు) అని అభివర్ణించారు. గత 47 ఏళ్లుగా మధ్యప్రాచ్యంలో బుల్లీలా వ్యవహరించిన ఇరాన్ ఇక బుల్లీగా ఉండబోదని, అణ్వాయుధాలు సాధించడానికి అనుమతించబోమని ట్రంప్ స్పష్టం చేశారు.

ఈ రాత్రి దాడి జరగనున్నట్టు హెచ్చరించడంతో వాషింగ్టన్-టెహ్రాన్ మధ్య ఉద్రిక్తతలు మరింత పెరిగాయి.